Ադրբեջանի արդյունաբերական գոտիներում ավելացել է ավտոմեքենաների արտադրությունը

Դրական դինամիկա է նկատվում արդյունաբերական գոտիներում գործող ավտոմոբիլաշինական ձեռնարկություններում, որոնք կառավարվում են Ադրբեջանի տնտեսական գոտիների զարգացման գործակալության կողմից։

Ինչպես հայտնում է Trend-ը՝ գործակալությանը հղումով, 2024 թվականի առաջին կիսամյակում Հաջիգաբուլի արդյունաբերական պարկում վաճառվել է 38 մլն մանաթի 1323 ավտոմեքենա, իսկ «Նեֆթչալա» արդյունաբերական շրջանում՝ 3,2 մլն մանաթի 203 մեքենա։

Ըստ տեղեկությունների՝ սա նախորդ տարվա նույն ժամանակահատվածի համեմատ աճել է մոտավորապես 20 տոկոսով։