Ադրբեջանն ու Ղազախստանը համատեղ ներդրումային հիմնադրամ կստեղծե՞ն

Ադրբեջանն ու Ղազախստանը քննարկում են՝ համատեղ ձեռնարկությունների և մասնավոր ներդրումային հիմնադրամների ստեղծման հնարավորությունը։
 
Այս մասին Report-ին հայտնել է՝ Ղազախստանի առևտրի և ինտեգրման փոխնախարար Այժան Բիժանովան։
 
Նրա խոսքով՝ երկու երկրներն էլ հետաքրքրված են այս ոլորտով. «Մեզ գրավում է այն, թե ինչպես է Ադրբեջանի ներդրումային հիմնադրամը աջակցում երիտասարդներին ֆրանչայզինգի ոլորտում։ Մենք նաև ունենք մի կազմակերպություն, որը մշակում է ձեռնարկատիրական գաղափարներ՝ փոքրից մինչև մեծ, և դրանք ներկայացնում է արտաքին շուկաներ։ Եթե մենք  միավորենք այս երկու մեխանիզմները, կարող ենք ստեղծել համատեղ նախագիծ», - ընդգծել է Բիժանովան։