Ադրբեջանն ու Իտալիան միջկառավարական հանձնաժողովի նիստ կանցկացնեն

Վեց տարվա ընդմիջումից հետո, Ադրբեջանն ու Իտալիան տնտեսական համագործակցության միջկառավարական հանձնաժողովի նիստ կանցկացնեն։
 
Ինչպես ահյտնում է Report-ը՝ հղում անելով Ադրբեջանի էներգետիկայի նախարարությանը, հանձնաժողովի վեցերորդ նիստը տեղի կունենա Բաքվում հունվարի 13-ին։
 
Ադրբեջանական պատվիրակությունը կգլխավորի էներգետիկայի նախարար Փարվիզ Շահբազովը, իսկ իտալական պատվիրակությունը՝ արտաքին գործերի և միջազգային համագործակցության փոխնախարար Էդմոնդո Չիրիելլին։
 
Միջկառավարական հանձնաժողովի հինգերորդ նիստը տեղի է ունեցել 2020 թվականի հունվարի 14-ին Հռոմում։
 
Ադրբեջանի և Իտալիայի միջև տնտեսական համագործակցությունը ընդգրկում է ոլորտների լայն շրջանակ, այդ թվում՝ էներգետիկա, արդյունաբերություն, կրթություն և վերակառուցման աշխատանքներ։ Երկրների միջև  պահպանվում է ռազմավարական գործընկերություն,  իսկ  Իտալիան աջակցում է Եվրամիության հետ Ադրբեջանի հարաբերությունների զարգացմանը։ Իտալական ընկերությունները նույնպես հրավիրված են մասնակցելու ազատագրված տարածքներում վերականգնման և վերակառուցման նախագծերին։