Ադրբեջանում 4,3 մլրդ մանաթ է հատկացվել կենսաթոշակային վճարումների համար

Ադրբեջանում այս տարվա հունվար-օգոստոսին 4 մլրդ 318 մլն մանաթ է հատկացվել՝ բնակչության կենսաթոշակային վճարներին, ինչը 14%-ով (521 մլն մանաթ) ավելի է նախորդ տարվա նույն ժամանակահատվածի համեմատ։ 

Այս մասին Caliber.Az-ին հայտնել են աշխատանքի և բնակչության սոցիալական պաշտպանության նախարարությունից։ Գերատեսչության տվյալներով՝ 8 ամսվա ընթացքում երկրում միջին ամսական կենսաթոշակն աճել է 13%-ով՝ հասնելով 491 մանաթի, այդ թվում՝ միջին ամսական ծերության կենսաթոշակը հասել է 525 մանաթի։ 

Նախարարությունում  նշել են, որ 2019 թվականից, երբ ներդրվեց կենսաթոշակների էլեկտրոնային նշանակումը, էլեկտրոնային համակարգի միջոցով պրոակտիվ կերպով կատարվել է 129 հազար նշանակում, որից 27 հազարը՝ 2024 թվականի սկզբից։