Ադրբեջանը 10 տարում երկու անգամ ավելացրել է ծովային տրանսպորտային փոխադրումները ԹՎԵՐ

Չնայած վերջին 10 տարիների ընթացքում շարունակվող համաշխարհային տնտեսական ճգնաժամերին, պատերազմներին և համավարակներին՝ Ադրբեջանում նախագահ Իլհամ Ալիևի ղեկավարությամբ իրականացվող լայնածավալ տրանսպորտային և լոգիստիկ նախագծերի շնորհիվ՝ զգալի դրական արդյունքներ են ձեռք բերվել Միջին միջանցքով բեռնափոխադրումների ոլորտում։
 
Այս մասին Caliber.Az-ին հայտնել է՝ «Ադրբեջանական Կասպյան նավագնացություն» ՓԲԸ-ի մամուլի ծառայության ղեկավար Մեհման Մեհդիևը, ում խոսքերով, այս դինամիկան արտացոլված է նաև՝ լաստանավերով փոխադրվող տրանսպորտային միջոցների (TIR) ​​և վագոնների թվում։
 
Այսպես, եթե 2015 թվականին փոխադրվել է 38 079 միավոր ավտոմոբիլ (TIR) ​​և վագոն, ապա 2024 թվականին այդ թիվը հասել է 77 071 միավորի։
 
Սա նշանակում է ընդհանուր աճ՝ 102,40%-ով կամ ավելի քան կրկնակի։