Աստանան՝ Բաքվին համագործակցություն է առաջարկել դեղագործության և զբոսաշրջության ոլորտներում

Ղազախստանը Ադրբեջանին առաջարկում է համատեղ նախագծերի իրականացում դեղագործության և զբոսաշրջության ոլորտներում։
 
Ինչպես հաղորդում է Report-ը՝ հղում անելով Բաքվում Ղազախստանի դեսպանատան մամուլի ծառայությանը, այս հարցը քննարկվել է՝ Ադրբեջանի տնտեսության նախարար Միքայել Ջաբարովի և Ղազախստանի դեսպան Ալիմ Բայելի հանդիպման ժամանակ։
 
«Կողմերը քննարկել են երկկողմ համագործակցության ներկա վիճակը և հեռանկարները առևտրատնտեսական, ներդրումային, տրանսպորտի և լոգիստիկայի, էներգետիկայի և շինարարության ոլորտներում», - նշվում է հաղորդագրության մեջ։ Ադրբեջանի և Ղազախստանի միջև ապրանքաշրջանառությունը այս տարվա հունվար-ապրիլին աճել է 20%-ով։
 
Հանդիպմանը նշվել է, որ 2025 թվականին Ղազախստանն առաջին անգամ դարձել է Ադրբեջանի ցորենի հիմնական մատակարարը՝ ապահովելով Ադրբեջանի հացահատիկի ներմուծման 88%-ը։
 
Ջաբարովը ընդգծել է, որ Ղազախստանի հետ տնտեսական համագործակցության զարգացումը ռազմավարական նշանակություն ունի Ադրբեջանի համար։