Բաքուն և Ամմանը քննարկել են գյուղատնտեսության ոլորտում համագործակցությունը

Ադրբեջանն ու Հորդանանը քննարկում են՝ գյուղատնտեսության ոլորտում համատեղ աշխատանքային խումբ ստեղծելու հնարավորությունը։
 
Ինչպես հայտնում է Caliber.Az-ը՝ գյուղատնտեսության նախարարությանը հղումով, նախարար Մեջնուն Մամեդովը հանդիպել է՝ Ադրբեջանում Հորդանանի դեսպան Օմեր Բարաքաթ ալ-Նահարի հետ։
 
Հանդիպման ընթացքում նախարարը նշել է, որ երկրների միջև բարեկամական հարաբերությունները հիմք են ստեղծում համագործակցության զարգացման համար, այդ թվում՝ գյուղատնտեսության ոլորտում։ Նա խոսել է նաև Ադրբեջանի գյուղատնտեսությանն ուղղված կառավարության աջակցության մասին և հետաքրքրություն է հայտնել՝ Հորդանանի հետ համագործակցության ընդլայնման հարցում։
 
Կողմերը քննարկել են՝ գյուղատնտեսության ոլորտում օրենսդրական դաշտի ամրապնդումը, գյուղատնտեսության հարցերով համատեղ աշխատանքային խմբի ստեղծումը, գյուղատնտեսական և պարենային ապրանքների առևտրի ընդլայնումը, ինչպես նաև Հորդանանի ձեռներեցների մասնակցությունը՝ Ադրբեջանում կայանալիք Caspian Agro միջազգային գյուղատնտեսական ցուցահանդեսին: Նշվել է, որ այս ոլորտում երկու երկրների միջև համագործակցության ընդլայնման զգալի ներուժ կա: