Բաքուն և Պեկինը քննարկել են տրանսպորտային և լոգիստիկ կապերի զարգացման հեռանկարները

«Ադրբեջանական Կասպյան ծովային նավագնացություն»  (ԱԿԾՆ) ՓԲԸ-ն հանդիպում է անցկացրել՝ այցով Բաքվում գտնվող  չինական «SPSI Cloud Port Development Group Co., Ltd» ընկերության ներկայացուցիչների հետ:
 
Ինչպես հաղորդում է Caliber.Az-ը, այս մասին հայտնել են ԱԿԾՆ -ից։
 
Հանդիպման ընթացքում կողմերը քննարկել են՝ մուլտիմոդալ փոխադրումների, նավահանգստային և լոգիստիկ կենտրոնների զարգացման, համատեղ ներդրումային և գործառնական նախագծերի իրականացման ոլորտում համագործակցության հեռանկարները։
 
«Հանդիպմանը կողմերը  պայմանավորվել են ավելի խորը ուսումնասիրել համագործակցության ոլորտները, շարունակել բանակցությունները՝ փոխադարձ հետաքրքրություն ներկայացնող ոլորտների շուրջ և ձեռնարկել նպատակային քայլեր», - նշվում է տեղեկատվության մեջ։