Չինացի փորձագետ. Ադրբեջանը դառնում է առանցքային լոգիստիկ հանգույց

Ներկայիս աշխարհաքաղաքական միջավայրում Միջին միջանցքը դառնում է՝ Ասիայի և Եվրոպայի միջև մատակարարման շղթաների կանխատեսելիությունն ու ճկունությունն ապահովող հիմնական գործոն։
 
Այս մասին AZERTAC-ին ասել է՝ չինացի տրանսպորտի և լոգիստիկայի փորձագետ, Beijing Cross-Eurasia International Logistics-ի կառավարիչ տնօրեն Վան Սյու Դունը։
 
Նրա խոսքով՝ 2025 թվականի սկզբից ի վեր Չինաստանից Եվրոպա ուղևորվող ավելի քան 300 գնացք կամ ժամանել է Բաքու, կամ անցել է Ադրբեջանի մայրաքաղաքով՝ դեպի Եվրոպա գնալու ճանապարհին։
 
Գործակալության զրուցակիցը ընդգծել է, որ այս երթուղին ընդգրկում է՝ Չինաստան-Եվրոպա հյուսիսային երկաթուղային միջանցքի կողմից պակաս արդյունավետ սպասարկվող տարածաշրջանները, ինչպիսիք են Ռումինիան և Բուլղարիան։ Բացի դրանից, այս երթուղին բավարարում է մի շարք եվրոպական ընկերությունների կարիքները, որոնք նախընտրում են շրջանցել հյուսիսային երթուղին։
 
Վան Սյու Դունը ընդգծել է, որ Ադրբեջանը կարևոր դեր է խաղում որպես Ասիան և Եվրոպան կապող Միջին միջանցքի հանգույց և համակարգող։ Նա պատմել է, որ իր ընկերությունը զգալի աջակցություն է ստացել Ադրբեջանի երկաթուղիներից (ADY), Բաքվի նավահանգստից, Alliance ընկերությունից և այլ գործընկերներից՝ Սիանից Բաքվի միջով դեպի Եվրոպա բեռնափոխադրումները կազմակերպելու գործում։
 
Նշելով, որ Սիան-Բաքու երթուղով տեղափոխվող բեռները հաճախ վերբեռնվում են Ադրբեջանի մայրաքաղաքում՝ հարևան երկրներ առաքելու համար, ինչը միայն հաստատում է քաղաքի դերը որպես տրանսպորտային հանգույց, փորձագետը վստահություն է հայտնել, որ Ալյաթ նավահանգստի ընդլայնման և դրա տեսակավորման ու տերմինալային ենթակառուցվածքների զարգացման հետ մեկտեղ՝ Բաքվի կարևորությունը հարավային միջանցքում միայն կաճի: Նա նաև նշել է, որ «Ադրբեջանիական երկաթուղիներ»-ը, Ղազախստանի և Վրաստանի գործընկերների հետ համատեղ, ակտիվորեն աշխատում են Կասպի-Կովկաս-Սև ծով հատվածի կայունությունը բարձրացնելու ուղղությամբ: