Հյուսիսային Մակեդոնիան հետաքրքրված է Ադրբեջանի հետ ՎԷԱ համատեղ նախագծերի մշակմամբ

Հյուսիսային Մակեդոնիայի և Ադրբեջանի միջև վերականգնվող էներգիայի աղբյուրների (ՎԷԱ) ինտեգրման ոլորտում երկկողմ համագործակցության հեռանկարները նշանակալից են, մասնավորապես, դա վերաբերում է համատեղ նախագծերի մշակմանը, գիտելիքների և տեխնոլոգիաների փոխանակմանը։
 
Այս մասին Report-ին տված հարցազրույցում հայտնել է՝ Հյուսիսային Մակեդոնիայի էներգետիկայի, հանքարդյունաբերության և հանքանյութերի նախարար Սանյա Բոժինովսկան։
 
Նա նաև նշել է համագործակցության հնարավորությունները՝ բարենպաստ նորմատիվ իրավական և ներդրումային միջավայր ստեղծելու ոլորտում, որը կնպաստի «կանաչ անցման» հաջող իրականացմանը։
 
Նախարարի խոսքով՝ երկրների միջև համագործակցության ներուժը մեծ է, հատկապես արևային և քամու էներգիայի ոլորտում։
 
«Հյուսիսային Մակեդոնիան բարձր է գնահատում Ադրբեջանի փորձը՝ վերականգնվող աղբյուրները ազգային էներգետիկ համակարգում ինտեգրելու հարցում և բաց է գործընկերության համար, որը կամրապնդի սեփական ներուժը այս ռազմավարական կարևոր ոլորտում», - ասել է Ս. Բոժինովսկան։