ING Group-ը` Ադրբեջանի տնտեսության վրա ԱՄՆ առևտրային սակագների ազդեցության մասին

Ադրբեջանը ընդհանուր առմամբ պաշտպանված է ԱՄՆ առևտրային սակագների ուղղակի ազդեցությունից, բայց մնում է խոցելի անուղղակի ազդեցությունների նկատմամբ։
 
Ինչպես հաղորդում է Report-ը՝ հղում անելով Նիդեռլանդների ամենամեծ բանկային խմբին՝ ING Group-ին, երկրի մակրոտնտեսական իրավիճակը մնում է կայուն, սակայն գլոբալ մարտահրավերների ֆոնին հիմնական ռիսկի գործոններն են՝ Չինաստանի և ԵՄ-ի հետ առևտրից կախվածությունը, նավթի գների տատանումների նկատմամբ զգայունությունը, ինչպես նաև աճող գնաճային ճնշումը։
 
Բանկը զեկույցում հատուկ ուշադրություն է դարձնում էներգակիրների գների ազդեցությանը։
 
«Ադրբեջանը մեծ կախվածություն ունի նավթից. այն ապահովում է բյուջեի եկամուտների 52%-ը և արտահանման 88%-ը։ Ղազախստանում այս ցուցանիշները համապատասխանաբար կազմում են 22% և 55%։ Չնայած բարձր կախվածությանը, Ադրբեջանն ավելի կայուն դիրքում է. հավասարակշռված բյուջեի և ընթացիկ հաշվի համար նրան անհրաժեշտ է միայն մեկ բարելի համար 63-64 դոլար նավթի գին։ Ղազախստանի համար նմանատիպ շեմային մակարդակները բյուջեի համար մեկ բարելի համար 80 դոլար են (առանց ոչ հարկային եկամուտների 185 դոլար) և ընթացիկ հաշվի համար 87 դոլար», - համարում են փորձագետները։