Ինտերնետի արագություն. որ տեղն է զբաղեցնում Ադրբեջանը

Ընթացիկ տարվա փետրվարին Ադրբեջանը՝ աշխարհի 154 երկրների շարքում ֆիքսված լայնաշերտ ինտերնետի միջին արագությամբ (69,32 Մբիթ/վրկ) զբաղեցրել է 90-րդ տեղը՝ հունվարին պահպանելով իր դիրքերը։
 
Ինչպես հայտնում է Caliber.Az-ը՝ հղում անելով Speedtest Global Index-ին, այս տարվա փետրվարին Ադրբեջանում ինտերնետի միջին արագությունը 85,7%-ով բարձր է եղել՝ 2024 թվականի նույն ժամանակահատվածի համեմատ (37,32 Մբիթ/վրկ):
 
Լայնաշերտ ինտերնետի արագությամբ՝ հունվարին առաջին տեղն է զբաղեցրել Սինգապուրը (345,33 Մբիթ/վրկ), իսկ Սիրիան՝ վերջին տեղը (3,23 Մբիթ/վ):
 
Փետրվարին Ադրբեջանը՝ բջջային ինտերնետի արագությամբ (71,01 Մբիթ/վրկ) զբաղեցրել է 55-րդ տեղը 103 երկրների շարքում՝ հունվարի համեմատ նահանջելով 1 դիրքով։
 
Լայնաշերտ ինտերնետի արագությամբ (69,84 Մբիթ/վրկ) Բաքուն հաշվետու ամսում զբաղեցրել է 114-րդ տեղը՝ 200 քաղաքների շրջանում, իսկ շարժական ինտերնետի արագությամբ (85,28 Մբիթ/վրկ)՝ 83-րդ տեղը 149 քաղաքների շրջանում։