Իրանի ոչ նավթային արտահանումը Ադրբեջան նվազել է

Իրանական ընթացիկ տարվա առաջին 2 ամիսներին (2025 թվականի մարտի 21-ից մայիսի 21-ը) Իրանի ոչ նավթային արտահանումը Ադրբեջան՝ նախորդ իրանական տարվա նույն ամսվա (2024 թվականի մարտի 20-ից մայիսի 20-ը) համեմատ՝ նվազել է 21.7%-ով արժեքային և 4.8%-ով՝ քաշային առումով։
 
Այս մասին հաղորդում է Trend-ը՝ հղում անելով Իրանի մաքսային վարչության վիճակագրությանը։
 
Վիճակագրության համաձայն՝ Իրանի ոչ նավթային արտահանումը Ադրբեջան առաջին 2 ամիսներին կազմել է 137 հազար տոննա՝ 85.9 միլիոն ԱՄՆ դոլար արժողությամբ։
 
Վիճակագրությունը ցույց է տալիս, որ անցյալ տարվա նույն ժամանակահատվածում Իրանը Ադրբեջան է արտահանել մոտ 110 միլիոն ԱՄՆ դոլարի արժողությամբ 144 հազար տոննա ոչ նավթային արտադրանք։
 
Իրանը Ադրբեջան է արտահանել գյուղատնտեսական և պարենային արտադրանք, արդյունաբերական, նավթաքիմիական և քիմիական արտադրանք։