Ադրբեջանը հետաքրքրված է Վիետնամի հետ ՀԾ ստեղծմամբ

Ադրբեջանը պատրաստ է աջակցել՝ Վիետնամի հետ համատեղ ձեռնարկությունների ստեղծմանը և երկու երկրների ձեռնարկատերերի միջև համագործակցության զարգացմանը։

Ինչպես հաղորդում է Report-ը, այս մասին հայտարարել է Արտահանման և ներդրումների խրախուսման գործակալության (AZPROMO) գործադիր տնօրեն Յուսիֆ Աբդուլլաևը՝ Հանոյում կայացած Ադրբեջան-Վիետնամ գործարար խորհրդի և գործարար ֆորումի ժամանակ։
 
Նրա խոսքով, տեքստիլ արդյունաբերությունը հատուկ հետաքրքրություն է ներկայացնում։ Արդեն կազմակերպվել են վիրտուալ հանդիպումներ ադրբեջանական և վիետնամական ընկերությունների միջև՝ բամբակյա արտադրանքի արտահանման և հնարավոր համագործակցության վերաբերյալ։ Ընկերությունները փոխանակվել են կատալոգներով և սկսել են գնահատել առևտրային հեռանկարները։