Լեյլա Ալիևան ելույթ է ունեցել Դավոսի ֆորումում

Հեյդար Ալիևի Հիմնադրամի փոխնախագահ, IDEA հասարակական  միավորման հիմնադիր և ղեկավար Լեյլա Ալիևան և Բաքվի մեդիա կենտրոնի ղեկավար Արզու Ալիևան մասնակցել են՝ Դավոսի Համաշխարհային տնտեսական ֆորումի շրջանակներում՝ «Կայունության արագացում նորարարության և համագործակցության միջոցով» խորագրով միջոցառմանը։.
 
Ինչպես հայտնում է Caliber.Az-ը, միջոցառմանը Լեյլա Ալիևան անդրադարձել է տարածաշրջանի բնապահպանական խնդիրներին՝ հատկապես նշելով, որ Կասպից ծովում բնապահպանական իրավիճակը հրատապ ուշադրություն է պահանջում։ Նա նշել է, որ վերջին 10 տարիների ընթացքում Կասպից ծովի մակարդակի կտրուկ անկում է գրանցվել։
 
Նա միջոցառման մասնակիցներին մանրամասն պատմել է Կասպից ծովի յուրահատուկ էկոհամակարգի մասին՝ ընդգծելով, որ այն աշխարհի ամենամեծ լիճն է և կազմում է համաշխարհային լճերի ընդհանուր ջրային պաշարների ավելի քան 40%-ը։