Մոսկվան և Բաքուն էլեկտրոնային ճանապարհային կտրոնների վերաբերյալ փորձնական նախագիծ կմեկնարկե՞ն

Ռուսաստանի և Ադրբեջանի միջև մշակվում է՝ էլեկտրոնային ճանապարհային կտրոնների կիրառման փորձնական նախագիծ։
 
ՏԱՍՍ-ի փոխանցմամբ՝ այս մասին հայտարարել է՝ Միջազգային տրանսպորտային միջանցքների տնօրինության միջազգային նախագծերի և թվայնացման  դեպարտամենտի փոխղեկավար Նատալյա Զադոնսկայան։
 
«Մենք աշխատում ենք Հյուսիս-Հարավ միջազգային տրանսպորտային միջանցքի բոլոր երկրների հետ։ Ադրբեջանի հետ մշակվում է e-CMR (էլեկտրոնային միջազգային ապրանքատրանսպորտային բեռնագիր - խմբ.) կիրառման փորձնական նախագիծ։ Ադրբեջանը նույնպես խրախուսում է մեզ օգտագործել էլեկտրոնային թույլտվություններ։ Ես կարծում եմ, որ Ռուսաստանի Դաշնությունը կարձագանքի այս հարցում և կշարունակի այս աշխատանքը», - ասել է նա Միջազգային Կասպյան թվային ֆորումի հարթակներում։