Նախարար. Իտալիան 805 միլիոն դոլար է ներդրել Ադրբեջանում

13 Հունվարի 2026 15:25

Մինչ օրս Իտալիան 805 միլիոն դոլար է ներդրել Ադրբեջանում։

Report-ի փոխանցմամբ, այս մասին հայտարարել է Ադրբեջանի էներգետիկայի նախարար Փարվիզ Շահբազովը՝ ելույթ ունենալով Բաքվում՝ Ադրբեջանի և Իտալիայի միջև տնտեսական համագործակցության միջկառավարական հանձնաժողովի 6-րդ նիստում։

Նրա խոսքով՝ Իտալիային բաժին է ընկնում Ադրբեջանի արտահանման 46.7%-ը. «Մինչ օրս Ադրբեջանից Իտալիա կատարված ներդրումները կազմել են 342 միլիոն դոլար, իսկ Իտալիայից Ադրբեջան՝ 805 միլիոն դոլար։ Մենք, անկասկած, մեծ ներուժ ունենք դրանց ընդլայնման համար։ Ներկայումս Ադրբեջանի Պետական նավթային հիմնադրամի (SOFAZ) ներդրումային պորտֆելի շուկայական արժեքը Իտալիայում կազմում է 2.8 միլիարդ դոլար։ Ներդրումների խրախուսման և փոխադարձ պաշտպանության մասին համաձայնագրի ստորագրումը՝ մեր առջև ծառացած անհրաժեշտ խնդիրներից մեկն է՝ այդ ցուցանիշների աճն ապահովելու համար»։

Նախարարը նշել է, որ անցյալ տարի Ադրբեջանը պահպանել է իր դիրքերը որպես՝ Իտալիա հում նավթի հիմնական մատակարար և բնական գազի երկրորդ խոշորագույն մատակարար՝ SOCAR-ի միջոցով ապահովելով 10 միլիոն 340 հազար տոննա նավթի և ընդհանուր առմամբ 9,5 միլիարդ խորանարդ մետր գազի մատակարարումը։

Caliber.Az

Դիտումներ: 102

Liked the story? Share it on social media!