ՆԱՏՕ-ի շարժական թրենինգային թիմը դասընթաց է անցկացնում Բաքվում

Պաշտպանության նախարարության և ՆԱՏՕ-ի միջև 2025 թվականի Անհատական ​​գործընկերության ծրագրի շրջանակում՝ Բրունսումում տեղակայված ՆԱՏՕ-ի միացյալ ուժերի հրամանատարության շարժական ուսումնական թիմը Բաքվում դասընթաց է անցկացնում՝ «Ռազմական գործողությունների իրավական ասպեկտները» թեմայով, հայտնում է Caliber.Az-ը՝ հղում անելով ՊՆ մամուլի ծառայությանը։
 
Ելույթ ունենալով միջոցառման բացմանը` ՊՆ իրավաբանական վարչության պետ, արդարադատության գեներալ-մայոր Էլչին Ալիևը պատմել է նման միջոցառումների կարևորության մասին՝ Ադրբեջանի և ՆԱՏՕ-ի միջև ռազմական համագործակցության ընդլայնման գործում:
 
Հատկապես նշվել է, որ վերջին տարիներին ադրբեջանական բանակի կողմից՝ ԱՀ նախագահ, Զինված ուժերի Գերագույն գլխավոր հրամանատար Իլհամ Ալիևի ղեկավարությամբ իրականացված գործողությունների ընթացքում՝ պահպանվել են միջազգային իրավունքի բոլոր նորմերը և սկզբունքները։