Netflix. Ադրբեջանը մի երկիր է, որտեղ կարելի է ստեղծել գրավիչ բովանդակություն

Ադրբեջանը մի երկիր է, որտեղ կարելի է արտադրել և օգտագործել գրավիչ բովանդակություն։
 
Report-ի փոխանցմամբ՝ Netflix-ի համահիմնադիր Մարկ Ռանդոլֆը այս մասին լրագրողներին ասել է՝ Բաքվում  INMerge 2025 նորարարական գագաթնաժողովի շրջանակներում։
 
Նա ընդգծել է, որ լավ պատմությունները համընդհանուր են և կարող են ստեղծվել աշխարհի ցանկացած վայրում. «Ժամանցային բովանդակությունը չի կարող նույնը լինել բոլորի համար։ Ստրիմինգային հարթակների ուժը կայանում է նրանց կարողության մեջ՝ ստեղծելու բովանդակություն, որը  հետաքրքիր կլինի որոշակի լսարանների համար։ Ադրբեջանը այն երկրներից է, որը կարող է ոչ միայն արտադրել գրավիչ բովանդակություն, այլև օգտագործել բազմազան մեդիա արտադրանքներ»։
 
Ռանդոլֆը ընդգծել է, որ նորարարությունը սկսվում է փոքր, բայց հետևողական քայլերից։
 
«Հատկապես, եթե դուք գտնվում եք այնպիսի ոլորտում, որը սովոր չէ ռիսկի դիմել։ Ես միշտ խորհուրդ եմ տալիս սկսնակ ձեռնարկատերերին չշտապել ներդրումներ ներգրավել», - նշել է նա։