Քյամրան Ալիևը՝ Վլադիվոստոկի տնտեսական ֆորումում

Շարունակվում է՝ Ադրբեջանի գլխավոր դատախազ Քյամրան Ալիևի գլխավորած պատվիրակության աշխատանքային այցը Վլադիվոստոկ։
 
Ինչպես Caliber.Az-ին հայտնել են Գլխավոր դատախազությունից, սեպտեմբերի 5-ին պատվիրակությունը մասնակցել է Արևելյան տնտեսական համաժողովին։
 
Քյամրան Ալիևը հարցազրույց է տվել «Россия 24» հեռուստաալիքին։
 
Ադրբեջանի գլխավոր դատախազը ելույթ է ունեցել նաև՝ գործարար սուբյեկտների իրավունքների պաշտպանությանը նվիրված նիստում։ Նա նշել է, որ Ադրբեջանի ազատագրված տարածքներում վերականգնման լայնածավալ աշխատանքներ են իրականացվում, և, որ Ղարաբաղի ու Արևելյան Զանգեզուրի տնտեսական շրջաններում բարենպաստ գործարար միջավայր է ստեղծվել ներդրումների համար։
 
Ք.Ալիևը հանդիպման մասնակիցներին տեղեկացրել է COP29 միջազգային հեղինակավոր միջոցառման մասին, որը կանցկացվի այս տարվա նոյեմբերին Բաքվում։
 
Այցի ընթացքում Ք.Ալիևը երկկողմ հանդիպումներ է անցկացրել։

Ավարտվել է պատվիրակության աշխատանքային այցը Ռուսաստան։