Ռահմանով. Ադրբեջանական ընկերությունը Տաշքենդում 300 միլիոն դոլարով հյուրանոց է կառուցում

Ուզբեկստանի մայրաքաղաք Տաշքենդը գնալով ավելի մեծ ժողովրդականություն է վայելում Ադրբեջանից եկող զբոսաշրջիկների շրջանում, ամեն տարի քաղաքը շուրջ 10,000 ադրբեջանցի հյուրեր է ընդունում:
 
Ինչպես հաղորդում է Report-ը, այս մասին Տաշքենդի հոքիմի տեղակալ  Շարոֆ Ռահմանովը հայտարարել է՝ Տաշքենդի IV միջազգային ներդրումային ֆորումի շրջանակներում անցկացվող՝ «Ադրբեջան-Ուզբեկստան. տնտեսական գործընկերության վեկտոր» թեմայով պանելային նիստում։
 
Նրա խոսքով՝ երկկողմ առևտրատնտեսական հարաբերությունները զարգանում են. Տաշքենդում գործում է մոտ 200 ձեռնարկություն՝ ադրբեջանական կապիտալի մասնակցությամբ։
 
«Մեր ձեռնարկությունների գրեթե նույն քանակն էլ գրանցված է Բաքվում։ Այսօր մեր ապրանքաշրջանառությունը կազմում է մոտ 150 միլիոն դոլար։ Համագործակցության հատուկ ոլորտ է զբոսաշրջությունը։ Ամեն տարի Տաշքենդ է այցելում մոտ 10 հազար ադրբեջանցի զբոսաշրջիկ։ Մեր զբոսաշրջիկների գրեթե նույն քանակն էլ այցելում է Ադրբեջան», - ասել է  նա։
 
Հոքիմի տեղակալը հավելել է, որ երկրների միջև համագործակցություն կա նաև հյուրանոցային բիզնեսում։ մասնավորապես, Տաշքենդում կառուցվում է 300 միլիոն դոլար արժողությամբ հյուրանոց, որի շինարարությունն իրականացնում է ադրբեջանական ընկերությունը։
 
Շարոֆ Ռահմանովը ընդգծել է նաև, որ կա պայմանավորվածություն՝ Բաքվում Ուզբեկստանի և Տաշքենդում Ադրբեջանի ազգային կենտրոնների կառուցման վերաբերյալ։