Շտալմայստեր. ՀԲ-ն և Ադրբեջանը քննարկում են Բաքվի նավահանգստի ընդլայնման ֆինանսավորումը

Համաշխարհային բանկը (ՀԲ) և Ադրբեջանի կառավարությունը ներկայումս որոշում են, թե Բաքվի միջազգային նավահանգստի (BISP) ընդլայնման որ փուլը կֆինանսավորվի։
 
Այս մասին Report-ին հայտնել է՝ Համաշխարհային բանկի Ադրբեջանի հարցով  մենեջեր Շտեֆանի Շտալմայստերը։
 
«Մենք  բանակցություններ ենք վարում AZCON Holding-ի և «Ադրբեջանական երկաթուղիներ» ՓԲԸ-ի հետ՝ Բաքվի նավահանգստի ընդլայնման վերաբերյալ, որը կառավարության համար առաջնահերթություն է։ Այժմ մենք որոշում ենք, թե որ փուլը կֆինանսավորվի և ինչպես։ Կարծում եմ՝ ծախսերի վերաբերյալ վերջնական որոշումն արդեն կայացվում է։ Մենք ուրախ ենք համագործակցել կառավարության հետ, քանի որ սա կարևոր նախագիծ է՝ Միջին միջանցքի զարգացման և ամրապնդման համար», - նշել է  Շ.Շտալմայստերը։