ՎԶԵԲ-ը աջակցում է Ադրբեջանի թվային տնտեսության զարգացմանը

Վերակառուցման և զարգացման եվրոպական բանկը (ՎԶԵԲ) շարունակում է ակտիվորեն աջակցել՝ Ադրբեջանում թվային տնտեսության և նորարարական ձեռներեցության զարգացմանը։

AZERTAC-ի փոխանցմամբ՝ այս մասին հայտարարել է ՎԶԵԲ-ի Կովկասի տարածաշրջանային տնօրեն Ալկիս Դրակինոսը, ելույթ ունենալով Բաքվում անցկացվող՝ State and IT Eurasian Forum ֆորումում։
 
Նա նշել է, որ բանկի  առանցքային նախաձեռնություններից մեկը՝ Star Venture ծրագիրն է, որն ուղղված է զարգացման վաղ փուլի ստարտափներին աջակցելուն։
 
«2022 թվականին Ադրբեջանում ծրագրի մեկնարկից ի վեր տասից ավելի տեղական ստարտափներ հասանելիություն են ստացել մենթորինգի, խորհրդատվական ծառայությունների և ներդրողների ցանցերի։ Ծրագիրը օգնում է երիտասարդ ձեռներեցներին իրականացնել իրենց գաղափարները և մուտք գործել միջազգային շուկաներ», - նշել է նա։