Օդային ճանապարհով Ադրբեջան ժամանողների թիվն աճել է 32 տոկոսով

2024 թվականին օդային ճանապարհով Ադրբեջան է այցելել 3 միլիոն 523,1 հազար մարդ 38 երկրներից։

Ինչպես հաղորդում է Caliber.Az-ը՝ հղում անելով Զբոսաշրջության պետական գործակալության հաշվետվությանը, նախորդ տարվա նույն ժամանակահատվածի համեմատ սա 3 երկրով (8,5%) և 801 հազար մարդով (32,1%) ավելի է։

Անցյալ տարի ամենամեծ թվով ուղևոր Ադրբեջան է ժամանել Ռուսաստանից՝ 967,1 հազար մարդ։ Սա 27,7%-ով ավելի է նախորդ տարվա համեմատ։

Հաշվետու ժամանակահատվածում Թուրքիայից Ադրբեջան է ժամանել 864 463 մարդ, ինչը տարեկան կտրվածքով ավելի է 19%-ով։

Առաջին եռյակը եզրափակում է Արաբական Միացյալ Էմիրությունները՝ 458 333 ուղևորով (+43,5%)։