Քանի՞ գործազուրկ կա Ադրբեջանում. պաշտոնապես

Ադրբեջանում 2025 թվականի հունվարի 1-ի դրությամբ պաշտոնապես գրանցված գործազուրկների թիվը կազմել է 217,2 հազար մարդ, որից 47,6 տոկոսը կանայք են։

Այս մասին հայտնում է Caliber.Az-ը՝ հղում անելով Ադրբեջանի Կենտրոնական բանկին։

Նշվում է, որ նախորդ տարվա սկզբի համեմատ գրանցված գործազուրկների թիվը նվազել է 0,2%-ով։ Միաժամանակ, դեկտեմբերին անցկացված հարցման համաձայն, ձեռնարկություններում աշխատողների թիվն աճել է 7,5%-ով, իսկ լիաբեռնման մակարդակը՝ 1,6 տոկոսային կետով, ինչը վկայում է տնտեսական ակտիվության աճի մասին։