ՌԴ, Իրանի և Ադրբեջանի պաշտոնյաները կհանդիպեն առաջիկայում

ՌԴ, Իրանի և Ադրբեջանի ԱԳՆ ղեկավարները, տրանսպորտի, էներգետիկայի նախարարները և մաքսային ծառայությունների ղեկավարները մոտ ապագայում կհանդիպեն՝ քննարկելու Հյուսիս-Հարավ միջազգային տրանսպորտային միջանցքի Ռաշտ-Աստարա երկաթուղային ճյուղի շինարարության ընթացքը։

Ինչպես հաղորդում է Caliber.Az-ը՝ հղում անելով ՏԱՍՍ-ին, այս մասին լրագրողներին ասել է Մոսկվայում Իսլամական Հանրապետության դեսպան Քյազեմ Ջալալին։

«Մոտ ապագայում ծրագրում ենք եռակողմ հանդիպում անցկացնել Իրանի, Ռուսաստանի և Ադրբեջանի արտգործնախարարների, տրանսպորտի, էներգետիկայի նախարարների և մաքսային ծառայությունների ղեկավարների մասնակցությամբ»,- ասել է նա։

Դեսպանը նշել է, որ այս նախագծի իրականացման մասին համաձայնագիրը նախատեսվում է ստորագրել մինչև 2025 թվականի մարտը։