Շահբազով. Ադրբեջանը մեկ միլիարդ խորանարդ մետր գազ է արտահանել Եվրոպա

2025 թվականի հունվարին Ադրբեջանը Եվրոպա է արտահանել 1 միլիարդ խորանարդ մետր գազ։

Ինչպես հայտնում է Caliber.Az-ը, այս մասին Х սոցիալական ցանցի իր միկրոբլոգում գրել է երկրի էներգետիկայի նախարար Փարվիզ Շահբազովը:

«Հունվարին Եվրոպա է առաքվել 1 միլիարդ խորանարդ մետր ադրբեջանական գազ կամ արտահանման ընդհանուր ծավալի 50 տոկոսը։ Թուրքիա է արտահանվել 0,7 միլիարդ խորանարդ մետր գազ (ընդհանուր արտահանման 35 տոկոսը), որից 0,5 միլիարդ խորանարդ մետրը՝ TANAP գազատարով»,- գրել է նախարարը։

Նա նաև հայտնել է, որ հունվարին Վրաստան մատակարարումները կազմել են 0,3 մլրդ խմ (ընդհանուր արտահանման 15%-ը)։

Ինչպես հաղորդվում է, 2024 թվականին Ադրբեջանը արտահանել է 25,2 միլիարդ խորանարդ մետր գազ, ինչը 5,8 տոկոսով գերազանցում է 2023 թվականի նույն ժամանակահատվածի ցուցանիշը։ Այդ թվում՝ 12,9 միլիարդ խորանարդ մետր գազ է մատակարարվել Եվրոպա, 9,9 միլիարդ խորանարդ մետր՝ Թուրքիա, 2,4 միլիարդ խորանարդ մետր՝ Վրաստան։