«Շահդաղ»-ը հյուրընկալում է Լեռնային զբոսաշրջության եվրասիական ֆորումը

«Շահդաղ» զբոսաշրջային կենտրոնում մեկնարկել է Լեռնային զբոսաշրջության եվրասիական ֆորումը:

Ինչպես հայտնում է Caliber.Az-ը, միջոցառումը կազմակերպել են Լեռնային հանգստավայրերի եվրասիական դաշինքը և զբոսաշրջության կենտրոնը՝ Եվրասիական լեռնային հանգստավայրերի II փառատոնի շրջանակներում։

Ֆորումին մասնակցում են Ադրբեջանի Զբոսաշրջության պետական գործակալության ներկայացուցիչներ, Ադրբեջանի, Ղազախստանի, Ուզբեկստանի, Ռուսաստանի և Հարավային Կորեայի, Բելառուսի, Վրաստանի և Ղրղզստանի զբոսաշրջության ոլորտի շուրջ 150 ներկայացուցիչներ։

Ֆորումը կտևի մինչև մարտի 6-ը,  միջոցառման շրջանակներում կքննարկվեն Դաշինքի 2025-2026 թվականների աշխատանքային ծրագիրը, լեռնային տուրիզմի զարգացման և տուրիստական երթուղիների ստեղծման, առողջարաններում անվտանգության հարցերը։

Միջոցառման մասնակիցները մտքեր կփոխանակեն նաև համագործակցության ընդլայնման, Դաշինքի զարգացման միասնական չափանիշ ստեղծելու, ինչպես նաև Կենտրոնական Ասիայի երկրների հետ համագործակցության ընդլայնման նախագծերի շուրջ։