SOCAR-ը Շվեյցարիայում բացել է առաջին էլեկտրական բեռնատարների կայանը

Շվեյցարական SOCAR Energy Switzerland ընկերությունը (Ադրբեջանի Պետական ​​նավթային ընկերության՝ SOCAR-ի դուստր ձեռնարկություն) Շվեյցարիայում շահագործման է հանձնել՝ էլեկտրական բեռնատարների առաջին արագ լիցքավորման կայանը։
 
Այս մասին հաղորդում է Report-ը՝ հղում անելով SOCAR Energy Switzerland-ի սոցիալական ցանցերում հաղորդագրությանը։
 
«Socar Energy Switzerland-ը հինգշաբթի բացել է՝ էլեկտրական բեռնատարների առաջին արագ լիցքավորման կայանը A1 ազգային մայրուղու երկայնքով՝ Քյոլիկեն-Նորդ հանգստի գոտում: Նոր ենթակառուցվածքը նախատեսված է էլեկտրաֆիկացված ծանր բեռնատարների արդյունավետ լիցքավորման համար և կարևոր քայլ է կայուն շարժունակության ուղղությամբ: Մինչև 400 կՎտ հզորությամբ կայանը թույլ է տալիս զգալիորեն կրճատել լիցքավորման ժամանակը նույնիսկ ծանր էլեկտրական բեռնատարների համար, ինչը հատկապես կարևոր է լոգիստիկ ընկերությունների համար», - ասվում է տեղեկատվության մեջ:
 
Միաժամանակ, շվեյցարական լրատվամիջոցները հաղորդում են, որ SOCAR-ը նախատեսում է մինչև 2026 թվականի վերջը Շվեյցարիայում տեղադրել մոտ 100 լիցքավորման կետ մարդատար և բեռնատար մեքենաների համար։