SOCAR. Մենք ոչ մի շահ չունենք Հայաստանում

Ադրբեջանի Պետական նավթային ընկերությունը (SOCAR) Հայաստանի որևէ մարզում բիտումի ցեխի կարիք չունի և ընդհանրապես ոչ մի շահ չունի այդ երկրում։

Այս մասին Caliber.Az-ին ասել է՝ SOCAR-ի հասարակայնության հետ կապերի և միջոցառումների կազմակերպման վարչության պետի տեղակալ Իբրահիմ Ահմեդովը՝ մեկնաբանելով հայկական ԶԼՄ-ների հաղորդագրությունները SOCAR-ի՝ Հայաստանի Արարատի մարզի Սուրենավան գյուղի հայ-ռուսական համատեղ ձեռնարկության՝ բիտումի գործարանը ձեռք բերելու ցանկության մասին։.

«Նման անհեթեթ հավակնությունները չեն համապատասխանում SOCAR-ի մասշտաբներին: SOCAR-ը Ադրբեջանի համաշխարհային բրենդն է, խոշորագույն օտարերկրյա ներդրողը Թուրքիայում, խոշորագույն հարկատուն Ադրբեջանում և Վրաստանում, Եվրոպայում օպերացիաներ իրականացնող ընկերություն, այնպիսի խոշոր միջազգային նախագծերի առաջատար ուժ, ինչպիսին է «Հարավային գազային միջանցքը»,- ասել է Ի.Ահմեդովը։