Բաքուն և Էր-Ռիադը քննարկել են ածխաջրածինների ոլորտում համատեղ նախագծերը

Ադրբեջանը և Սաուդյան Արաբիան քննարկել են ածխաջրածինների  ոլորտում համագործակցությունը։
 
Ինչպես հաղորդում է Caliber.Az-ը, այս մասին հայտնել է Ադրբեջանի էներգետիկայի նախարար Փարվիզ Շահբազովը X սոցիալական ցանցի իր էջում։
 
Շահբազովը Վիեննայում արդյունավետ հանդիպում է անցկացրել՝ Սաուդյան Արաբիայի Թագավորության էներգետիկայի նախարար, արքայազն Աբդուլազիզ բին Սալման Ալ Սաուդի հետ։
 
«Հանդիպման ընթացքում մենք քննարկեցինք երկկողմ էներգետիկ օրակարգի արդիական հարցեր. Համատեղ տեխնիկական հանձնաժողովի նիստ, սաուդյան ընկերությունների հետ համագործակցություն ածխաջրածնային ոլորտում, 240 ՄՎտ հզորությամբ քամու էլեկտրակայանի շահագործման հանձնում, 3.5 ԳՎտ հզորությամբ ծովային քամու էներգիայի նախագծի իրականացում և այլ նախագծեր», - ասվում է հրապարակման մեջ։