Բաքուն և Դուշանբեն կհամագործակցեն տեքստիլ արդյունաբերության ոլորտում

Ադրբեջանի տեքստիլ արդյունաբերության ասոցիացիան և Տաջիկստանի բամբակի ու տեքստիլի ասոցիացիան՝ տեքստիլ արդյունաբերության ոլորտում համագործակցության վերաբերյալ փոխըմբռնման հուշագիր են ստորագրել։
 
Ինչպես հաղորդում է Caliber.Az-ը՝ հղում անելով Ադրբեջանի արտահանման և ներդրումների խրախուսման գործակալությանը (AZPROMO), փաստաթուղթը ստորագրվել է՝ Տաջիկստանում անցկացվող տեքստիլ և թեթև արդյունաբերության 1-ին միջազգային ֆորումի շրջանակներում։
 
«Փաստաթուղթը նախատեսում է տեքստիլ արդյունաբերության զարգացման համատեղ գործողություններ, այդ թվում՝ կայուն գյուղատնտեսություն, շերամապահություն և առևտուր», - հաղորդում է AZPROMO-ն։
 
Ֆորումում, որը միավորել է ավելի քան 50 երկրներից մասնակիցների, քննարկվել են՝ Ադրբեջանի և Տաջիկստանի միջև տեքստիլ ոլորտում հարաբերությունների ամրապնդման հնարավորությունները, ինչպես նաև երկու երկրների միջև արդյունաբերական ոլորտում «ճանապարհային քարտեզի» մշակման հարցը։