Ադրբեջանն ու Ղազախստանը քննարկել են՝ Միջին միջանցքով բեռնափոխադրումների ավելացման հարցը

Ղազախստանն ու Ադրբեջանը քննարկել են՝ Անդրկասպյան միջազգային տրանսպորտային երթուղով (ԱՄՏԵ) բեռնափոխադրումների ավելացման հարցը։
 
Ինչպես հաղորդում է Report-ը, այս մասին քննարկվել է Ղազախստանի երկաթուղիների վարչության նախագահ Թալգատ Ալդըբերգենովի և Ադրբեջանի երկաթուղիների ղեկավարության միջև Պեկինում ընթացող՝ Երկաթուղիների միջազգային միության (UIC) XII կոնգրեսի առաջին օրվա  շրջանակներում անցկացված հանդիպման ժամանակ։
 
Կողմերը հատուկ ուշադրություն են նվիրել՝ Անդրկասպյան միջազգային տրանսպորտային երթուղու թվայնացմանը և ավտոմատացմանը, որը կարագացնի և կպարզեցնի լոգիստիկ գործընթացները։ Քննարկվել են նաև Ղազախստանի և Ադրբեջանի երկաթուղիների տեղեկատվական համակարգերի ինտեգրման միջոցառումները՝  փոխադրումների արդյունավետությունը բարձրացնելու համար։