TANAP-ը գլխավորել է հանածո վառելիքի ոլորտում ՀԲ-ի 10 լավագույն նախագծերի ցանկը

Անդրանատոլիական գազատարը (TANAP), որով ադրբեջանական գազը Թուրքիայի տարածքով փոխադրվում է Հարավային Եվրոպա, գլխավորել է հանածո վառելիքի 10 լավագույն նախագծերը, որոնք առաջ են քաշվել Համաշխարհային բանկի (ՀԲ) խմբի կողմից։

Ինչպես հայտնում է Caliber.Az-ը, այս մասին ասվում է WB Big Shift Global-ի նոր զեկույցում։

Զեկույցում վերլուծվել են Համաշխարհային բանկի ֆինանսական հոսքերը վերջին տարիների ընթացքում և առանձնացվել հանածո վառելիքի 10 լավագույն նախագծերը, որոնք առաջ են մղվում զարգացման բանկի օգնությամբ:

Զեկույցի համաձայն՝ Համաշխարհային բանկի խմբի մաս հանդիսացող Բազմակողմ ներդրումների երաշխավորման գործակալությունը (MIGA) TANAP-ին տրամադրել է 1,1 միլիարդ դոլարի վարկային երաշխիքներ՝ 2018 թվականին ներդրողներին պաշտպանելու համար:

Ըստ Համաշխարհային բանկի՝ այս նախագծի իրականացումը թույլ կտա եռապատկել Ադրբեջանից գազի արտահանումը։ AKA Bank-ի, Citi-ի, Credit Agricole CIB-ի, ING-ի, LBBW-ի, Santander-ի և Societe Generale-ի վարկերի համար տրվել է 15 տարվա երաշխիք: