TotalEnergies-ը և SOCAR-ը համագործակցության մասին համաձայնագիր են ստորագրել

Ֆրանսիական TotalEnergies ընկերությունը և Ադրբեջանի պետական նավթային ընկերությունը՝ SOCAR-ը համագործակցության մասին համաձայնագիր են ստորագրել՝ անօդաչու թռչող սարքերի միջոցով մեթանի հայտնաբերման և չափման արշավներ իրականացնելու համար, հայտնում է Trend-ը՝ հղում անելով TotalEnergies-ին։

Ինչպես նշվել է, առաջին արշավը կիրականացվի «Աբշերոն» գազային հանքավայրում, իսկ հետագա արշավները կսկսվեն՝ Ադրբեջանում SOCAR-ի նախագծերի շրջանակներում։ Այս արշավներն անցկացվելու են՝ TotalEnergies-ի և նրա R&D գործընկերների կողմից մշակված AUSEA (Airborne Ultralight Spectrometer for Environmental Applications) տեխնոլոգիայի միջոցով, որն ապահովում է՝ նավթագազային ձեռնարկություններից մեթանի արտանետումների բարձր ճշգրիտ հայտնաբերում և քանակային գնահատում:

AUSEA-ն բաղկացած է անօդաչու թռչող սարքի վրա տեղադրված մանրանկարչական երկակի սենսորից, որն ունակ է հայտնաբերել մեթանի և ածխաթթու գազի արտանետումները և միևնույն ժամանակ բացահայտել դրանց աղբյուրը: Այս տեխնոլոգիան մշակվել է TotalEnergies-ի, Ֆրանսիայի Գիտական հետազոտությունների ազգային կենտրոնի (CNRS) և Ռեյմսի Շամպայն-Արդենի համալսարանի կողմից և ներկայումս համարվում է աշխարհի ամենաճշգրիտ տեխնոլոգիան՝ մեթանի արտանետումների հայտնաբերման և չափման համար: