Որքա՞ն գազ է արտահանել Ադրբեջանը Եվրոպա

2025 թվականի հունվար-ապրիլ ամիսներին Ադրբեջանը Եվրոպա է արտահանել 4 միլիարդ խորանարդ մետր գազ, ինչը կազմում է հաշվետու ժամանակահատվածում արտահանման ընդհանուր ծավալի 50%-ը։

Ինչպես հաղորդում է Caliber.Az-ը, այս մասին հայտնել է Ադրբեջանի էներգետիկայի նախարար Փարվիզ Շահբազովը Х-ի իր էջում:

Նրա խոսքով՝ հաշվետու ժամանակահատվածում Թուրքիա է մատակարարվել 3.1 միլիարդ խորանարդ մետր գազ (ընդհանուր արտահանման 39%-ը), այդ թվում՝ 1.9 միլիարդ խորանարդ մետր՝ Տրանսանատոլիական գազատարի (TANAP) միջոցով։

2025 թվականի հունվար-ապրիլին Ադրբեջանից Վրաստան է մատակարարվել 0.9 միլիարդ խորանարդ մետր գազ (ընդհանուր արտահանման 11%-ը):

Շահբազովի խոսքով՝ 2024 թվականի հունվար-ապրիլին Ադրբեջանը արտահանել է 8 միլիարդ խորանարդ մետր գազ։