ՎԶԵԲ-ը՝ Ադրբեջանում գնաճի դանդաղեցման մասին

Վերակառուցման և զարգացման եվրոպական բանկը (ՎԶԵԲ) կանխատեսում է 2024 թվականին Ադրբեջանում միջին տարեկան գնաճի դանդաղում մինչև 3,5 տոկոս՝ 2023 թվականի 8,8 տոկոսի դիմաց։

Այս մասին հայտնում է Caliber.Az-ը՝ վկայակոչելով բանկի նյութերին։

ՎԶԵԲ-ի կանխատեսումների համաձայն՝ Ադրբեջանի վճարային հաշվեկշռի ընթացիկ հաշվի հավելուրդը 2024 թվականի վերջին կկազմի ՀՆԱ-ի 8,5%-ը՝ նախորդ տարվա ՀՆԱ-ի 9,9%-ի դիմաց։

Ինչ վերաբերում է Ադրբեջանի ներկայիս մակրոտնտեսական միջավայրին, ապա բանկը նշում է, որ 2024 թվականին ՀՆԱ-ի աճի տեմպերն արագացել են, իսկ գնաճը դանդաղել է։ Նավթագազային ոլորտը կրկին սկսել է աճել գազի մեծ պահանջարկի հաշվին: «Գնաճը մնում է կենտրոնական բանկի թիրախային միջակայքում», - նշում են  ՎԶԵԲ-ում: