Ադրբեջան-Ավստրիա միջխորհրդարանական խումբը դատապարտել է Ավստրիայի խորհրդարանի հայտարարությունը

Ադրբեջան-Ավստրիա միջխորհրդարանական կապերի աշխատանքային խումբը հայտարարություն է տարածել:

Ինչպես հաղորդում է Caliber.Az-ը, հայտարարության մեջ ասվում է.

«Ադրբեջան-Ավստրիա միջխորհրդարանական կապերի աշխատանքային խումբը հայտարարություն է տարածել, որում կտրական բողոք է հայտնում՝ 2023 թվականի հոկտեմբերի 19-ին ընդունված միակողմանի հայտարարության դեմ, որը օբյեկտիվորեն չի արտացոլում մեր տարածաշրջանում տեղի ունեցող իրադարձությունները, ինչպես նաև հակասում է միջազգային իրավական նորմերին և Ավստրիայի Հանրապետության չեզոք դիրքորոշմանը:

Մենք՝ Ադրբեջան-Ավստրիա միջխորհրդարանական կապերի աշխատանքային խումբը, լիովին մերժում ենք մեր պետության նկատմամբ ցուցաբերվող նման անարդար վերաբերմունքը։ Մենք կարծում ենք, որ նման բնույթի հայտարարությունները հրահրում են Հայաստանում ռևանշիստական ուժերը՝ Ադրբեջանի դեմ գործողություններ իրականացնելու և ոչ մի կերպ չեն ծառայում Ադրբեջանի և Հայաստանի միջև հարաբերությունների կարգավորման գործընթացին»։