Ադրբեջանական լաստանավը ճանաչվել է լավագույնն աշխարհում ՎԻԴԵՈ

«Ադրբեջանական Կասպյան ծովային նավագնացություն» (ASCO) ՓԲԸ-ին պատկանող Ro-Pax տիպի «Azerbaijan» լաստանավը արժանացել է միջազգային բարձր մրցանակի։

Ինչպես Caliber.Az-ին հայտնել է «Ադրբեջանական Կասպյան ծովային նավագնացություն» փակ բաժնետիրական ընկերության մամուլի ծառայության ղեկավար Մեհման Մեհդիևը, հեղինակավոր Baird Maritime-ի կողմից կազմված 2021 թվականի լավագույն ծովային նավերի ցանկում «Ադրբեջանը» ճանաչվել է, որպես «լավագույն լաստանավ»:

Հիշեցնենք, որ 25 հոգանոց անձնակազմով եզակի նավը, որը կառուցվել է Բաքվի նավավերանորոգման և նավաշինական գործարանում, ունի 154,50 մետր երկարություն, 17,7 մետր լայնություն և 7,5 մետր բարձրություն։ Այս պահին նավը իր բեռնատարողությամբ գերազանցում է Կասպից ծովում լողացող բոլոր լաստանավերին։ Լաստանավը կարող է տեղափոխել 100 ուղևոր, 56 տանկ կամ 50 բեռնատար մեքենա/TIR բեռնատար:

«Ադրբեջան» լաստանավը զգալի ներդրում ունի՝ «Արևելք-Արևմուտք» տրանսպորտային միջանցքով Կասպից ծովով տարանցիկ բեռնափոխադրումների ծավալների ընդլայնման գործում։