Ադրբեջանը այս տարվա վերջից կսկսի բնական գազ արտահանել Հունգարիա

Ադրբեջանի Հանրապետության Պետական նավթային ընկերության (SOCAR) նախագահ Ռովշան Նաջաֆը հանդիպել է՝ հունգարական MVM Group-ի գլխավոր գործադիր տնօրեն Կարոլի Մատրայի հետ։

Ինչպես Caliber.Az-ին հայտնել են SOCAR-ում, Ադրբեջանի և Հունգարիայի միջև երկկողմ և բազմակողմ համագործակցությունը հաջողությամբ զարգանում է տարբեր ուղղություններով, այդ թվում՝ էներգետիկայի ոլորտում։ Քննարկվել է Ադրբեջանի ռազմավարական դերը Եվրոպայի էներգետիկ անվտանգության ապահովման գործում, այդ կապակցությամբ քննարկվել է Հարավային գազային միջանցքի ընդլայնման կարևորությունը և Եվրոպա գազի լրացուցիչ ծավալների մատակարարման հետ կապված աշխատանքները։

Քննարկվել են բնական գազի առևտրի, հեղուկ գազի (LNG) մատակարարման, գազի պահեստարանների օգտագործման ոլորտում համագործակցության հեռանկարները, ինչպես նաև փոխանակվել փոխադարձ հետաքրքրություն ներկայացնող այլ թեմաներով։

SOCAR-ի և Հունգարիայի խոշորագույն բնական գազի մեծածախ MVM CEEnergy Zrt-ի հանդիպման ավարտին՝ 100 մլն մ3 բնական գազի վաճառքի մասին պայմանագիր է ստորագրվել։ Պայմանագրով նախատեսված գազի ծավալների մատակարարումները նախատեսվում է սկսել այս տարվա 4-րդ եռամսյակում։