Ադրբեջանը կավելացնի գազի տարեկան արտահանման ծավալը Եվրոպա

Ադրբեջանը նախատեսում է՝ Եվրոպա գազի արտահանման տարեկան ծավալը 2023 թվականի ցուցանիշից մինչև 2026 թվականը ավելացնել 17%-ով՝ մինչև 14 մլրդ խմ։

Ինչպես հաղորդում է Caliber.Az-ը, այս մասին եվրոպական «Montel News» հրատարակությանը տված հարցազրույցում ասել է՝ Ադրբեջանի Պետական նավթագազային ընկերության (SOCAR) փոխնախագահ Վիտալի Բեգլյարբեկովը։

Նրա խոսքով, Ադրբեջանը նախատեսում է երկու տարվա ընթացքում տարեկան մոտ 14 միլիարդ խորանարդ մետր գազ արտահանել Հարավարևելյան Եվրոպայի երկրներ՝ նախորդ տարվա 12 միլիարդ խորանարդ մետրի դիմաց, իսկ 2026 թվականից պլանավորում է էլ ավելի մեծացնել գազի արտահանումը։

«Այժմ մենք ընդլայնում ենք արտադրական և արտահանման հզորությունները և այս աշխատանքի արդյունքները պետք է պատրաստ լինեն մինչև 2026 թվականը, երբ մենք էլ ավելի կավելացնենք մեր մատակարարումները Իտալիա, Հունաստան և Բուլղարիա», - ասել է Բեգլարբեկովը: