Ադրբեջանը կես միլիարդ դոլարի ավտոմեքենաներ է ներմուծել

2024 թվականի հունվար-ապրիլին Ադրբեջանը ներմուծել է 27 838 ավտոմեքենա, ինչը 6,8%-ով պակաս է նախորդ տարվա նույն ժամանակահատվածի համեմատ, հայտնում է Armenia.Az-ը՝ հղում անելով Մաքսային պետական կոմիտեին (ՄՊԿ):

Ընդ որում, հանրապետություն ներմուծված ավտոմեքենաների ընդհանուր արժեքը կազմել է 502 մլն 620,81 հազար ԱՄՆ դոլար (աճը՝ 16%)։

Տվյալների համաձայն՝ ամենամեծ թվով տրանսպորտային միջոցները կազմել են մարդատար ավտոմեքենաները և ուղևորափոխադրող այլ տրանսպորտային միջոցները՝ 25 003 միավոր (9,4% անկում) 439 մլն 400,59 հազար ԱՄՆ դոլար ընդհանուր արժեքով (15% աճ)։

Մարդատար ավտոմեքենաներից, մասնավորապես, հաշվետու ժամանակահատվածում ներմուծվել է 5 111 հիբրիդային ավտոմեքենա (աճը՝ 14,2%)՝ 161 մլն 770,46 հազար ԱՄՆ դոլար արժողությամբ (աճը՝ 1,8 անգամ)։