Ադրբեջանը, Ռումինիան, Հունգարիան և Վրաստանը էլեկտրաէներգիայի մատակարարման հուշագիր կստորագրեն

Ադրբեջանը, Ռումինիան, Հունգարիան և Վրաստանը դեկտեմբերի 17-ին Բուխարեստում հուշագիր կստորագրեն՝ եվրոպական այս երկրներին կանաչ էլեկտրաէներգիա մատակարարելու համար էլեկտրական մալուխ անցկացնելու մասին։

Caliber.Az-ը ռումինական լրատվամիջոցներին հղումով հայտնում է, որ Ադրբեջանից էլեկտրական մալուխը կտարածվի Ռումինիա, այնուհետև Հունգարիա, իսկ Վրաստանը հանդես կգա որպես տարանցիկ երկիր։

Նախագծի մանրամասները քննարկվել են դեկտեմբերի սկզբին՝ Ադրբեջանի արտգործնախարար Ջեյհուն Բայրամովի և իր ռումինացի գործընկեր Բոգդան Աուրեսկուի հետ ԵԱՀԿ Նախարարների խորհրդի նիստի շրջանակներում։

Ադրբեջանն ու Վրաստանը ձգտում են օգտագործել իրենց աշխարհաքաղաքական հնարավորությունները՝ Եվրոպային էլեկտրաէներգիա մատակարարելու նոր ճանապարհ ստեղծելու համար։ Սև ծովի տակով Վրաստանից հարավ-արևելյան Եվրոպա էլեկտրական մալուխ անցկացնելու ծրագրերը քննարկվում են արդեն մի քանի տարի։

«Նոր նախագիծը, որը պետք է իրականացվի, կապված է էլեկտրաէներգիայի հետ։ Ադրբեջանը փորձում է իր էլեկտրաէներգիան արտահանել համաշխարհային շուկաներ»,- հոկտեմբերի 24-ին Վրաստան կատարած այցի ժամանակ հայտարարել է Ադրբեջանի նախագահ Իլհամ Ալիևը։