Ադրբեջանը և Ուզբեկստանը կհամագործակցեն կեղծ IMEI կոդերի դեմ պայքարում

Ադրբեջանի թվային զարգացման և տրանսպորտի նախարարությանն առընթեր «ԱզինՏելեկոմ» ԲԲԸ-ն և Ուզբեկստանի հեռահաղորդակցության ցանցերի կառավարման հանրապետական կենտրոնը հուշագիր են ստորագրել։

Caliber.Az-ը նախարարությանը հղումով հայտնում է, որ հուշագիրը նախատեսում է համատեղ միջոցառումների կազմակերպում բջջային սարքերի գրանցման ոլորտում։

Փաստաթուղթը ստորագրվել է՝ Ուզբեկստանի տեղեկատվական տեխնոլոգիաների և կապի զարգացման նախարարության, Գլխավոր դատախազության և ներքին գործերի նախարարության, «Ուզբեկստանի հեռահաղորդակցական ցանցերի կառավարման հանրապետական կենտրոնի» պետական միավորված ձեռնարկության և «Տեղեկատվական տեխնոլոգիաների կենտրոն» ընկերության ղեկավարների հանդիպման արդյունքների վերաբերյալ:

Շարժական սարքերի գրանցման ոլորտում համատեղ գործունեության կազմակերպման մասին հուշագրի ստորագրմանը զուգընթաց, որոշում է կայացվել ստեղծել համապատասխան աշխատանքային խումբ։