Ադրբեջանը և Ռումինիան քննարկել են «կանաչ» էներգիայի միջանցքի իրագործման արագացումը

Կարևոր է արագացնել «Կանաչ էներգետիկ միջանցք» նախագծի իրականացումը, որը նախատեսվում է ստեղծել Ադրբեջանի, Վրաստանի, Հունգարիայի և Ռումինիայի միջև։

Ինչպես հայտնում է Caliber.Az-ը, այս մասին քննարկվել է՝ էներգետիկայի նախարար Փարվիզ Շահբազովի և այցով Ադրբեջանում գտնվող Ռումինիայի էներգետիկայի նախարար Սեբաստիան Իոան Բուրդուջայի հանդիպմանը։

Հանդիպմանը քննարկվել են՝ երկրների միջև հարաբերությունների հետագա զարգացման գործում ռազմավարական նշանակություն ունեցող էներգետիկ և առևտրային նախագծերի առանցքային հարցեր։ Կողմերը քննարկել են նաև՝ նավթի և նավթամթերքների առևտրի ոլորտում համագործակցության ասպեկտները։