Ադրբեջանը և Սերբիան համաձայնագրեր կստորագրեն էներգետիկ ոլորտում համագործակցության վերաբերյալ

Ադրբեջանն ու Սերբիան վաղը՝ նոյեմբերի 15-ին, երկու կարևոր համաձայնագիր կստորագրեն էներգետիկ ոլորտում։

Ինչպես հաղորդում է Caliber.Az-ը, փաստաթղթերը կստորագրվեն Ադրբեջանի և Սերբիայի էներգետիկայի նախարարներ Փարվիզ Շահբազովի և Դուբրավկա Ջեդովիչ-Հանդանովիչի Բաքվում կայանալիք հանդիպման արդյունքներով։

Մասնավորապես, ակնկալվում է փոխըմբռնման հուշագրի ստորագրում Ադրբեջանի Հանրապետության էներգետիկայի նախարարության և Սերբիայի Հանրապետության հանքարդյունաբերության և էներգետիկայի նախարարության միջև՝ Ադրբեջանի պետական նավթային ընկերության (SOCAR) և Srbijagas-ի միջև համագործակցությունը խթանելու վերաբերյալ, ինչպես նաև SOCAR-ի և Srbijagas-ի միջև գազի վաճառքի մասին համաձայնագիր: