Ադրբեջանի ԿԲ-ն ուսումնասիրում է թվային արժույթի հարցի վերաբերյալ միջազգային փորձը

Ադրբեջանի Կենտրոնական բանկը ներկայումս չի նախատեսում թվային արժույթ թողարկել, սակայն ուսումնասիրում է այլ կենտրոնական բանկերի նախագծերը։

Ինչպես տեղեկացնում է Caliber.Az-ը, այս մասին հայտարարել է ԱԿԲ նախագահ Թալեհ Քյազըմովը։

«Ներկայումս մենք թվային արժույթ թողարկելու նման ծրագրեր չունենք: Տեխնոլոգիական տեսանկյունից այս նախագիծը շատ շահավետ է, հետաքրքիր, մենք պարբերաբար ուսումնասիրում ենք այս հարցը և հետևում ենք մյուս կենտրոնական բանկերին, թե ինչի են նրանք կարողացել հասնել, որովհետև հարցեր կան թե դրամավարկային քաղաքականության, և թե ֆինանսական հատվածի կայունության հետ կապված»,- Չորեքշաբթի զեղչային տոկոսադրույքին նվիրված մամուլի ասուլիսում ասել է Քյազըմովը: