Ադրբեջանի նախագահական ընտրություններում ԱՊՀ-ի առաքելությունը կգլխավորի Սերգեյ Լեբեդևը

Ադրբեջանում արտահերթ նախագահական ընտրություններում Անկախ պետությունների համագործակցության (ԱՊՀ) դիտորդական առաքելությունը կգլխավորի գլխավոր քարտուղար Սերգեյ Լեբեդևը։

Ինչպես հաղորդում է Caliber.Az-ը՝ գործադիր կոմիտեին հղումով, նրա թեկնածությունը հաստատվել է՝ Համագործակցության կանոնադրական և այլ մարմիններում ԱՊՀ երկրների մշտական լիազոր ներկայացուցիչների խորհրդի որոշմամբ։

ԱՊՀ դիտորդական առաքելությունը կվերահսկի նախընտրական քարոզարշավը՝ Ադրբեջանի կառավարության հրավերով։ ԱՊՀ գործադիր կոմիտեն հրավերներ է ուղարկել Համագործակցության երկրներին՝ առաքելությունում իրենց ներկայացուցիչներին առաջադրելու խնդրանքով։

Ադրբեջանում արտահերթ նախագահական ընտրությունները կանցկացվեն 2024 թվականի փետրվարի 7-ին։