Ադրբեջանի ռազմավարական արժութային պահուստներն աճել են

Ադրբեջանի ռազմավարական արժութային պահուստները՝ 2024 թվականի հունվար-հունիսին կազմել են 69,7 մլրդ ԱՄՆ դոլար, ինչը 1,8 տոկոսով ավելի է 2023 թվականի վերջի համեմատ։

Ինչպես տեղեկացնում է Caliber.Az-ը, այս մասին հայտնում է Ադրբեջանի Կենտրոնական բանկը։

«Վճարային հաշվեկշռի հիմնական բաղադրիչ հանդիսացող արտաքին առևտրի հաշվեկշռում 2024 թվականի 6 ամիսների ընթացքում արձանագրվել է 4 մլրդ ԱՄՆ դոլարի դրական մնացորդ։ Այս ընթացքում երկրի ռազմավարական արժութային պահուստներն աճել են 1,8%-ով եւ կազմել 69,7 մլրդ ԱՄՆ դոլար։ Մասնավորապես, Կենտրոնական բանկի արժութային պահուստներն աճել են 1.1%-ով և հասել 11.7 մլրդ ԱՄՆ դոլարի»,- նշված է տոկոսադրույքների միջանցքի պարամետրերի վերաբերյալ ԱԿԲ հաղորդագրության մեջ։