Ադրբեջանից ԱՄՆ դրամական փոխանցումները նվազել են

2023 թվականին Ադրբեջանից Ամերիկայի Միացյալ Նահանգներ (ԱՄՆ) է փոխանցվել 54,8 մլն դոլար։

Ինչպես հայտնում է Caliber.Az-ը՝ Ադրբեջանի Կենտրոնական բանկին (ԱԿԲ) հղումով, դա 2,4 անգամ պակաս է՝ 2022 թվականի համեմատ։

Ադրբեջանից ԱՄՆ դրամական փոխանցումների տեսակարար կշիռը՝ փոխանցումների ընդհանուր ծավալում հաշվետու ժամանակահատվածում 20,6%-ից նվազել է մինչև 10%:

Անցյալ տարի ԱՄՆ-ից Ադրբեջան է փոխանցվել 73,8 մլն դոլար, ինչը 2,1 անգամ պակաս է նախորդ տարվա համեմատ։

Տարվա ընթացքում ԱՄՆ-ից Ադրբեջան դրամական փոխանցումների տեսակարար կշիռը՝ փոխանցումների ընդհանուր ծավալում 4,3%-ից հասել է 4,5%-ի։